GANO WAYA BAYAN AN SACE DA EASY FINDER

GANO WAYA BAYAN AN SACE DA EASY FINDER

Bayan gabatar da mukala akan yadda zamu kare waya daga barayi, hakan tasa wasu suka ga cewar tasu bata da wannan tsarin a setin dinta. Awannan darasin zamu gabatar da yadda zaka kare android dinka daga barayi ko wacce iri ce,

Kasani:- Duk matakin da ake dauka yana yiwuwa ne ka seta tsarin kafin a dauketa, bayan an dauke ta,idan kayi tunanin ka saita ba zaiyi ba, bazai gano maka ba matukar kafin ta bata baka saita shi ba.

Da wannan application zai baka dama ka sarrafa wayarka idan bata hannunka, wato idan ka tabbatar an dauke ta, akwai abubuwan da zai iyayi da taimakonka.
Sannan shi wannan Easy finder yana aiki akan kowacce waya, matukar tana da Java, ga wadanda suke da Java phones suna iya dauko NQ Anti-Virus, ko Netqin Anti-Virus duka suna dauke da wannan tsari na easy finder, haka wanda yake da Symbian shima yana iya dauko  NQ Anti-Virus, ko Netqin Anti-Virus.

I. Idan wayar taka ta, bata ko kuma wani naka ya dauki wayar ana cire layinka zai sanar da kai cewar an canza layin dake cikin wayarka, ka tuntuba kaji ko sacewa akayi, wannan sakon da zai turo, zai turo ne alamba ta musamman kamar lambar yayanka ko wani daka sa lambar sa domin ya sanar dashi abu ya faru awayarka.
II. Kana iya adana kayan cikin wayar ta hanyar tura sako zuwa  wannan sabuwar lamba da take kan wannan waya, nan take zai kwashe maka kayan ya adana maka su a emai dinka da kayi rijista dashi.
III. Kana iya kulle ta nan take.
IV. Sannan shi easy finder zaici gaba da turo maka hoton wurin da wayar take duk bayan minti biyu, kana iya seta shi kasa da haka, zaici gaba da turo maka taswirar wurin (area map)
Domin ka saita shi akan wayarka kabi wadannan matakan
1. wanda yake da Android saika je Playstore ka dauko
Ga wanda yake da Windows Phone saika je Market place/Store na Windows dinka ko kuma latsa nan
Wanda yake da Java phone saika latsa nan domin ka dauko na wayarka.
2. Ka saukar da shi (install) sannan ka budeshi.
3. Zai baka allo na farko ka jira zai baka allo na gaba
4. A wannan allo zai bayyana maka, cewar karka damu idan wayarka ta bata, zai nuna maka aikin da zai maka akan wayarka bayan ta bata ko ansace. Anan saika latsa Get Started.

5. Zai zabin aikinsa yana da tsari na kyauta, sannan yana da tsari na biyan kudi, kuma N100 zai dauka daga kudin cikin wayarka, domin samun aikinsa na (Premium) Idan ka amince su dauki N100 awayarka saika latsa Yes idan kuma na kyauta kake bukata saika latsa  No thanks


6. Allo na gaba saika taba tsakiyarsa wato inda hoton waya yake, nan zaka taba,  wuri mai launin kala dake tsakiyar taswira nan zaka taba.
7. A wannan matakin, zaifi kyau kayi rijista da wannan application domin cin wata gajiyar dole saikayi rijista dashi. Saika latsa Sign In domin rijista, domin sai kayi rijista ne Easy finder zai iya turo maka taswjirar hoton wurin da wayarka take (area map) sannan sai kayi rijista dashi zai iya baka dama kayi Backup na kayan cikin wayarka, sannan saikayi rijista zaka iya shiga shafinsu na intanet domin bincikar inda wayarka take, sannan idan babu matsala ka biya N100, bayan ka gwadashi yayi maka.
Sannan ka latsa SIM Card Changed bayan ka latsa shi, zaka kunna shi domin ya fara aiki, saika shigar da lambar waninka, misali kana iya sa lambar yayanka, ko matarka ko budurwarka, ko mahaifiyarka, lallai lambar da zaka sa ta zama ba taka bace, baka tafiya da ita, manufar wannan shi ne ta wannan lamba za'a sanar da su cewa wayar wane ansace ta, domin ancanza layin da yake kanta, saboda haka ga sabuwar lambar da take kan wayarsa.
Ku kuma ta wannan lamba zaku bi kodai ku kira lambar, ko ku kaiwa yansanda lambar, ko ku rufe wayar, ko kuma akwai sirrin da bakwa bukata wani ya gani, nan take zaku iya goge kanta. Idan kuma manta inda take kayi, ko kuma tana dakin ku amma bata fili saika ziyarci find.nq.com saika latsa Sound nan take zata yi karar sauti,  koda bata da chaji zatayi karar da zaka ganta a wuri, amma idan ba batir bazata yi kara ba.

Post a comment

0 Comments